Les persones transexuales reclamen que s'acelere la llei Lgtbi n'Asturies

Xega asegura que cada vegada más mozos y moces demanden entamar el procesu de reasignación

Esta selmana celebróse’l Día Internacional de la Visibilidá de les Persones Trans. L’asociación Xega asegura que cada vegada más mozos y moces d’ente 14 y 20 años demanden entamar el procesu. Piden que’l pasu pola Unidá de Tratamientu d’Identidá de Xéneru nun seya requisitu pa cambeos rexistrales como la obtención del DNI, anque sirva de sofitu a estes persones.

Poro, reclamen tamién que s’acelere la llei Lgtbi n’Asturies. En TPA tuvimos con una moza transexual que dende entamos d’añu yá recibe tratamientu d’hormones.

Dende pequeñu, Álex Cuesta sabía que naciere nun cuerpu equivocáu pero tenía mieu a comunicalo y ser refugáu. Pero agora siéntese llibre. Sicasí, alcontróse con incertidumes y torgues del colectivu.

A entamos d’añu entamó a hormonase baxo’l siguimientu de la Unidá d’Identidá de Xéneru d’Asturies, pero la reasignación nun ye un procesu rápidu.

Critica la burocracia pa trámites que podríen ser más áxiles. Esta selmana pudo algamar el so nuevu DNI. Y entá hai munchu camín por abrir. Poro, escribe un llibru cuntando’l so procesu.