Llaboratoriu pal hidróxenu verde n'Arcelor

Un bancu de pruebes pa empreses, Universidá y científicos de tol país

Principáu y Arcelor presenten los primeros equipos de GasLab, el llaboratoriu de pruebes público-priváu instaláu n'Arcelor pa testar les meyores científiques n'hidróxenu. Un equipamientu al que van poder venir empreses, la Universidá y cualquier grupu científicu que tea trabayando sobro los usos na industria del hidróxenu verde.

Pel momentu yá funciona un fornu a media escala, pero van dir completándose les instalaciones d'equí al próximu añu. N'Arcelor hai más de 20 investigadores dedicaos a desenvolver l'hidróxenu verde na industria.

El consorciu nació con fondos europeos y privaos. Güei formen parte d'él Arcelor, Universidá y delles empreses de distintos tamaños.