Llega a España'l presuntu sicariu del asesinatu de Javier Ardines

Mañana pasará a disposición del xulgáu qu'instrúi la causa

El ciudadanu arxelín investigáu como unu de los dos presuntos autores de la muerte del conceyal d'IX en Llanes, Javier Ardines, que taba en prisión en Suiza por otros delitos, llegó esti miércoles al aeropuertu de Cuatro Vientos (Madrid) pa ser treslladáu a Llanes, onde mañana pasará a disposición del xulgáu qu'instrúi la causa.

Según informó la Guardia Civil, la Unidá Central Operativa fízose cargu de la custodia del investigáu tres la so entrega nel aeropuertu de Xinebra y, tres la so llegada a Madrid, ta treslladándolu al puestu del Institutu Armáu en Llanes.

El xulgáu entamara'l procesu  d'estradición de K.M., de 42 años, en febreru de 2019 pa siguir coles dilixencies sobre un crime cometíu'l 16 d'agostu de 2018.