Los espertos piden que se busquen fórmules pa un turismu sostenible

La Plataforma pola Defensa del Cordal Cantábricu pide estudiar llendar la entrada de turistes a dellos llugares

Vienen de toes partes y fáenlo por delles razones.

El volume de visitantes que recibe Asturies medró progresivamente nos últimos años, y hai munchos que lo ven como una amenaza señala Eduardo del Valle Tuero, profesor de la Facultá de Comerciu y Turismu de la Universidá d’Uviéu. Pero’l turismu tamién tien un impactu positivu.

La solución al debate necesita que tanto’l sector públicu como’l priváu participen activamente na regulación a llargu plazu del turismu masificáu. Los espertos recalquen que fai falta poner llendes a la mercantilización de recursos naturales al empar que s’asegura la satisfacción de turistes y residentes.

La Plataforma pola Defensa del Cordal Cantábricu pide estudiar llendar la entrada de turistes a dellos paraxes

La Plataforma pola Defensa del Cordal Cantábricu pide meyorar na aplicación de les normes y los instrumentos de xestión de los espacios naturales y señala’l riesgu del usu turísticu d’esos espacios asegura Ernesto Díaz, coordinador de la Plataforma pola Defensa del Cordal Cantábricu.

Alvierten sobre’l peligru de desaniciu del gallu montés y del salmón si nun se tomen midíes afayadices. Sobre otru animal, el llobu, piden compensaciones o fomentar la presencia de pastores o perros porque "los llobos nun son un problema pa la desapaición de la ganadería" afirma Díaz.

La plataforma creóse va 20 años y, entós, entamaben a instalase los primeros parques eólicos, piden meyor llexislación, sobre manera dende’l Principáu.