Los forenses aseguren que la madre del ñácaru asesináu actuó de manera consciente

Acebal asegura que s'arrepiente y pide perdón tanto a la so familia como a la de la so ex-pareya

Los forenses concluyen que Silvia Acebal tenía un trestornu antisocial de personalidá. Una sicopatía que se manifiesta pola ausencia de reconcomios y la falta de reacciones afeutives, pero afiten que nun afecta a la so toma de decisiones. Dicen que yera consciente dafechu de lo que faía.

Acebal rellató a los forenses que nun s'enteró del embaranzu hasta'l cuartu o quintu mes, porque tenía regles irregulares, y que yá yera tarde p'albortar. Sospechen que se vio atrapada pola situación y que na so fuxida hacia alantre acabó cola vida del ñácaru. Los forenses destaquen que nunca amosó arrepentimientu.

La Fiscalía afitó nes sos conclusiones que Silvia Acebal actuó por pura maldá. La defensa pide que se tenga en cuenta l'atenuante de llocura o enfotu.

L'informe de los forenses detalla que'l ñácaru nació vivu y que morrió desangráu poles múltiples feríes que sufrió. Tienen claro que se trató d'una muerte violenta.

L'acusada, Silvia Acebal, asegura que s'arrepiente y pidió perdón tanto a la so familia como a la de la so ex-pareya. Na última sesión del xuiciu señaló que "nun va tener vida abonda p'arrepentise de lo socedío".