Los ganaderos d'Amieva lleven los sos animales de los pastos altos con cuenta de protexelos

Denuncien retrasos pa verificar los daños desque los comuniquen a l'alministración rexonal

N'Amieva, onde dellos ganaderos llevaron los sos animales de les camperes altes con cuenta de protexelos, nos postreros 25 díes rexistráronse una quincena de daños por causa de socesivos ataques del llobu. Unu de los postreros tuvo llugar esti sábadu pasáu con tres xatos muertos tres cayer intentando fuxir de dos llobos y otra xata más mancada.

Una xatina, de malapenes cinco meses, y que sufrió'l frayatu d'una pata, foi la única que sobrevivió al ataque protagonizáu por dos llobos so La Porra Valdepinu, n'Amieva.

L'animal recuperóse nesta cuadra, pero otros tres xatos morrieron espeñaos enguizaos polos llobos.

Rubén Vega Simón, de 22 años, yá perdiera otra xata y agora de golpe queda ensin otros tres. El llobu ta acabando colos animales qu'esti mozu ganaderu tenía destinaos pa la recría.

El sufríu por Rubén ye unu de los últimos ataques del llobu nel conceyu d'Amieva, onde se rexistraron una quincena de daños nos postreros 25 díes.

En plenu branu, hai ganaderos que decidieron baxar el so ganáu del puertu pa evitar más baxes.

Los ganaderos, d'Amieva y d'otros conceyos como Onís, con recientes ataques del llobu, tamién se quexen de retrasos de dellos díes pa verificar los daños desque los comuniquen a l'alministración rexonal.