Los ganaderos van responder a la "declaración de guerra" que supón protexer al llobu

Ribera convoca a les comunidaes del noroeste p'abordar la protección de llobu

La ministra pa la Transición Ecolóxica y Retu Demográficu, Teresa Ribera, va axuntase'l próximu llunes de forma telemática colos conseyeros de mediu ambiente d'Asturies, Galicia, Cantabria y Castiella y Lleón, comunidaes que concentren el 95% de los llobos ibéricos, tres el refugu d'estes autonomíes a dar una mayor protección a esta especie.

El sector ganaderu español amosó'l so refugu a la intención del Ministeriu pa la Transición Ecolóxica y el Retu Demográficu de protexer al llobu pa que dexe de ser especie cinexética, una decisión que ven como "una declaración de guerra" que, aseguren, nun va quedar ensin respuesta.