Los ganaderos xúnense a la protesta de los camioneros pola xuba del preciu de la gasolina

Dos deteníos por llanzar oxetos puntiaos sobre camiones

La Guardia Civil prindó la pasada madrugada, coincidiendo cola cuarta xornada de fuelga indefinida nel tresporte de mercancíes per carretera, a dos individuos por llanzar oxetos puntiaos sobre los camiones que circulaben pela autovía A-66, al so pasu per L.lena.

Los dos deteníos, que tán en llibertá con cargos, tán acusaos d'un delitu grave escontra la seguridá vial, informaron fontes de la Delegación del Gobiernu n'Asturies.

Una decena de tractores sumáronse esti xueves a la protesta de los tresportistes pol encarecimientu del combustible cortando'l tráficu nel polígonu industrial de Silvota, en Llanera.

"La xunión fai la fuerza. SOS Rural" ye unu de los mensaxes escritos nuna de les pancartes que s'asitiaron na protesta, que foi controlada por dellos axentes de la Guardia Civil.