Los investigadores del casu Ardines declaren esti vienres nel xuiciu

Nes dos primeres sesiones, tolos acusaos desvenceyáronse del crime

L'Audiencia Provincial va volver a entamar mañana, vienres, el xuiciu con xuráu escontra los cuatro acusaos del asesinatu del conceyal d'IX en Llanes Javier Ardines coles declaraciones de los axentes de la Guardia Civil que participaron na investigación.

La Sección Segunda celebra la tercer sesión del xuiciu que se va centrar na prueba testifical propuesta pola Fiscalía, l'acusación particular que lleva la familia del edil asesináu y les defenses de los cuatro acusaos, Pedro N.A. como presuntu inductor, Jesús M. como supuestu intermediariu y los dos presuntos sicarios Djilali B. y Maamar K.

El maxistráu presidente del xuráu acutó sesiones hasta'l próximu día 22 pa escuchar el testimoniu de los axentes de la Comandancia de Xixón y la Unidá Central Operativa (UCO) de la Guardia Civil, y de los familiares y vecinos de la víctima y los acusaos que fueron propuestos poles partes.