Los más pequeños, protagonistes del Día del Mediu Ambiente nel Botánicu de Xixón

La xornada céntrase na reivindicación de la restauración de los ecosistemes

Los más pequeños fueron los protagonistes del Día Mundial del Mediu Ambiente nel Xardín Botánicu Atlánticu. Fueron premiaos por mandar un mensaxe de concienciación al traviés de los sos cuentos y dibuxos nuna xornada qu’esti añu céntrase na reivindicación de la restauración de los ecosistemes.

Precisamente pola protección que faen de los recursos naturales tamién se dio una distinción al Seprona.

Les actividaes pa conmemorar esta xornada siguirán los díes vinientes con avistamientos d’aves, talleres d’arte floral xaponés y visites guiaes onde descubrir la importancia de la polinización o la presencia de les plantes na vida de caldía.