Los médicos asturianos califiquen de crítica la situación de l'atención primaria​

L'Asociación Asturiana de Pediatría demanda más profesionales pa meyorar l'atención

El Foru de Médicos d’Atención Primaria d’Asturies alertó de la “situación crítica” que vive esti colectivu n’Asturies, con una media d’edá de 60 años y falta d’incentivos profesionales o económicos pa quedar, y alvirtió de que, si nun se camuda’l modelu, cuérrese’l riesgu de que desapaeza y seya “un serviciu de salú pa probes”.

Coincidiendo cola celebración güei del Día de l’Atención Primaria baxo’l lema “Defendamos la primaria, defendamos la sanidá”, seis miembros del Foru dieron testimoniu de la situación que viven caldía y criticaron a la Conseyería de Salú, a la qu’acusen de debilitar esti serviciu “pol so plan organizativu nefastu”.

Jesús Rodríguez Virgili, vocal d’Atención Primaria del Colexu de Médicos, afirmó que n’Asturies faen falta “decisiones valientes qu’eviten el colapsu”, fechos frente a planes y proyectos, una medría del presupuestu económicu y una mayor dotación de recursos humanos.

La presidenta de l’Asociación Asturiana de Pediatría recordó la so importancia na atención primaria, al ser estos profesionales el primer contactu na atención sanitaria de les persones. Llamenten la falta de personal. N’Asturies, hai un centenar de pediatres p’atender a más de 100.000 neños y neñes.