Los psicólogos afiten un aumentu del nerviosismu y les conductes de pánicu ente la población

Los espertos recomienden desconectar y que s'afite un dispositivu de sofitu psicolóxicu per vía telefónica

Ta na cai: El pánicu al corononavirus ye yá una realidá. Conductes estremes basaes nel mieu intensu ante un episodiu inesperáu o desconocíu.

Los psicólogos espliquen que ye un mecanismu de protección ancestral del ser humanu. Una reacción atávica pa evitar cualquier peligru. Esi mieu irracional activa les emociones y anula la razón.

Los espertos aseguren que ye bueno desconectar pa que'l coronavirus nun invada los nuestros pensamientos permanentemente. Dalgo que se complica nel aisllamientu social. Por eso, recomienden que s'afite un dispositivu d'asistencia psicolóxica telefónica pa la población.

Agresividá que nun se descarta nel casu de la fobia a los visitantes veníos dende otres comunidaes, por mieu a que propaguen el virus.

Los mensaxes intimidatorios llegaron a llugares de costa de tol país. Les miraes de desconfianza espárdense ante cualquier niciu de tos.

Los especialistes en comunicación aconseyen escoyer bien el momentu d'informanos. Fuxir de los bulos que s'espardan peles redes sociales, y dir a fuentes oficiales y medios de comunicación veraces.