Los superventes de la Feria de Muestres

Un colchón que se manexa con una aplicación movil, la estrella de la edición

La Feria de Muestres ye un gran escaparate. La so fama en ventes y participación de visitantes fai que seya récor. 15 díes nos que los vendedores amuesen en vivo que los sos productos son los meyores pa facer más fácil el día a día. 

Esti añu los productos estrella en ventes van dende una bayeta, un preséu pa facer croquetes o un colchón que s’activa per una aplicación de móvil ente otros

Dicir feria de muestres ye sinónimu de coses curioses qu’en cualquier casu quieren, según afirmen los sos promotores, facer la vida más fácil al consumidor; como pue ser esta bayeta de micro-fibra que per un llau limpia tou tipu de suciedá en delles superficies y que pel otru seca, dexando un acabáu brillante.

O tamién un compuestu a base de sal que tien que mecese con agua, pulverizar sobre la superficie a llimpiar y asina, dicen, arrasa con manches n’alfombres o ropa.

Un preséu pa la cocina da forma al arroz pa facer sushi, la carne picao pa facer albondigues, o sánwiches pa facer canapés. Pero si ye estrella ye por ser el preséu perfectu pa facer croquetes, asina lu vende’l so promotor. 

Esti añu’l protagonista ye un colchón que dempués de baxar una aplicación de móvil o tablet ye capaz d’adaptase al pesu y altura de los usuarios meyorando asina la so calidá del sueñu.

Tamién llama l’atención poles sos ventes, un sillón que da masaxes en cuerpu simulando les manes d’una persona.

Iniciatives que faen de la Feria de Muestres de Xixón una de les meyores cites comerciales pa les ventes nel mes d’agostu.