Los trabayadores de Sekurit quieren un paréntesis na negociación pa presentar la so propuesta de viabilidá con datos concretos

Tomé pide al Principáu qu'use "toles ferramientes" pa evitar despidos en Sekurit

Tres la xunta los trabayadores marcharon peles cais Avilés hasta la Plaza d'España, acompañaos polos aplausos de dellos vecinos, pa dar visibilidá a la so situación. El comité d'empresa presentó un plan de viabilidá que foi refugáu pola dirección de la empresa. Pídese-yos mayor concreción apunta Verónica Fernández Otero presidenta del Comité d'empresa de Saint-Gobain.

Ente la plantiya malestar pola espantayada de la dirección de la empresa de la postrer asamblea. Los trabayadores creen que la empresa nun tienen voluntá de negociar señala Rubén González, delegáu de CSI en Saint-Gobain.

La empresa presentó un plan social col que diz va evitar despidos, basáu en prexubilaciones a partir de los 59 años y recolocaciones na división de vidriu pa la construcción d'Avilés, unes 16 vacantes, y el restu nes factoríes de la empresa en Madrid, Barcelona y Zaragoza. Un plan que nun convence a la plantiya que fai un llamamientu a la marcha pola industria del xueves peles cais d'Avilés apunta Diego Riesgo, delegáu de CCOO en Saint-Gobain.

La marcha va empezar a les 18:00 na Plaza del Vaticanu, y va percorrer les cais d'Avilés hasta la Plaza d'España.