Los trabayadores de Vesuvius busquen apoyos a la so marcha nel mercáu de Cenera

Pasaron la nueche embaxo la ponte que xune Sama y La Felguera

Los trabayadores de Vesuvius volvieron a salir a la cai esta mañana pa pidir sofitu de cara a esa marcha que los va llevar el martes dende Riañu a Uviéu.

Ficiéronlo dempués de pasar la nueche albentestate, embaxo la ponte que xune Sama y La Felguera. Una nuche na que families enteres quixeron amosar la situación difícil na que los dexa l’ERE de la multinacional.

Foi una nueche llarga, lluviosa pero sirvió p’amosar la xunión qu’hai nesa "familia" na que se convertieron los trabayadores de Vesuvius. Una nueche metáfora pa visibilizar que los dexen asina: embaxo una ponte.

Güei volvieron a recibir el sofitu de la cai, nel mercáu de Cenera, pidiendo que les acompañen en esa marcha que los va llevar el martes dende la planta hasta Uviéu.

Hasta’l grupu Prau Llerón de Mieres quixo tar al so llau, con música y con voz.