Los trabayadores de Vesuvius zarraos na catedral refuguen recibir a Canteli

L'alcalde diz tar "a muerte" colos trabayadores de Vesuvius

L'alcalde d'Uviéu, Alfredo Canteli, aseguró esti sábadu que "ta a muerte" colos trabayadores de Vesuvius y que cunten col so "sofitu total", anque nun consiguió axuntase colos tres operarios que dende va tres díes tán zarraos nel interior la catedral d'Uviéu.

Canteli fixo estes declaraciones tres asistir a la misa del Pilar na catedral onde, tres el discutiniu surdíu por unes declaraciones suyes sobro esti conflictu llaboral, intentó axuntase colos tres trabayadores de Vesuvius que dende'l miércoles tán nel so interior.

Nunes declaraciones efectuaes el xueves en Madrid na presentación del menú del Desarme, l'alcalde uvieín señaló que la primer visita oficial de la princesa d'Asturies a Uviéu, acompañada polos reis y de la so hermana Sofía, nun tendría de vese enturbiada por manifestaciones.

Según l'alcalde, cuando-y preguntaron nesi momentu por manifestaciones, desconocía que los tres trabayadores de la planta llangreana que Vesuvuis quier zarrar zarrárense nel templu uvieín, frente al que los reis y la princesa van empecipiar el día 17 la so visita oficial de tres díes a Asturies.