Los usuarios de los xeriátricos asturianos tienen más edá y son más dependientes

L'Asociación de residencies privaes pide adaptar los conciertos de places públiques

Con más edá y más dependientes. Asina son los nuevos usuarios de residencies n’Asturies. Si enantes la estancia media yeren 10 años, agora baxó a tres. El motivu, diz l’Asociación de Xeriátricos d’Asturies, ye que l’ayuda pa en casa y los centros de día, tán allargando la estancia de los mayores nes sos cases.

Esta mayor dependiencia obliga a mayores cuidaos. Por ello, l’Asociación de Xeriátricos pide renegociar los conciertos col Principáu, qu’abona agora unos 49 euros por usuariu y día.

Tamién piden tener llibertá pa formar les sos plantiyes, en función de les necesidaes de cada centru y ensin falta de cumplir una ratiu.

Esa llibertá tamién amenorgaría’l problema de falta de personal. Malapenes hai enfermeres y el perfil de los técnicos, dicen dende l’Asociación, nun ye l’afayadizu.

Leo Díaz acaba d’asumir la presidencia de l’Asociación y ve que fai falta un nuevu modelu de cuidaos nel que se ta trabayando, anque reconoz, que va sele.