Los vecinos piden executar un proyectu de parque playa en La Playa España

Demanda histórica pa dar solución a la cantidá de piedra que nun dexa esfrutar de la sablera

Executar un proyectu de parque playa que faga más amigable La Playa España. Ye una demanda histórica de los vecinos de Quintes pa dar solución a la cantidá de piedra que nun dexa esfrutar de la sablera. Siguen ensin rempuesta municipal o de Costes mientres la situación influye negativamente nel turismu y los negocios de la zona. Enagora, conformaríense con qu’una pala escavadora abriere un pasu pa la mar.

Llegar al agua ye una xera imposible. Puntualmente llímpiase l’ocle y quítense piedres. Pero pídese una solución más ambiciosa. Ye una demanda histórica executar un proyectu de parque playa, que faga más amigable esta sablera.

Amás influye negativamente nel turismu y los negocios. Anque pa otros ye parte de la naturaleza.

Piedra que tamién impide’l pasu a persones con movilidá amenorgada y qu’estrocen l’usu y imaxe de la tercer sablera en númberu de visitantes de Villaviciosa, dempués de La Playa Rodiles y La Playa la Ñora.