Los vixilantes privaos reclamen más seguridá xurídica

Reclamen una figura llegal pa situaciones violentes nel trabayu

Los trabayadores del sector de la seguridá privada concentráronse énte la Delegación del Gobiernu pa esixir más seguridá xurídica nos sos trabayos.

La protesta forma parte d’una campaña nacional. N’Asturies son 1.500 contrataos, trabayando en 25 empreses.

Los sindicatos reclamen al Executivu central qu’obligue a les compañíes a dar más elementos de seguridá a los sos operarios, y reclamen una figura llegal más específica pal casu nel que se vean envueltos en situaciones violentes mientres tán trabayando.