Lucía Fandos descubre a les mineres de Llumeres en Gozón

Los restos de la mina formen parte del patrimoniu industrial asturianu

Lucía Fandos lleva 20 años investigando sobre la mina de fierro de Llumeres, un yacimientu que se peslló va más de 50 años, dempués de tar en funcionamientu dende 1859 más de 100 años.

Fandos foi investigando sobre la historia de la muyer gozoniega y metióse dafechu a estudiar la mina.

Gracies a la so investigación, descubrió a les mineres de Llumeres; una historia cuasi escaecida inclusive polos vecinos más cercanos a esti yacimientu, que l’autora quier plasmar nun llibru.

Esta mina a pie de playa ta abandonada anguaño. En pie queden los restos de dalgunos de los edificios d’un yacimientu que forma parte del inventariu del patrimoniu industrial asturianu.