Malestar en Salas pola tardanza nes obres de la ponte de La Barrosa

L'alcalde pide la dimisión de la delegada de Gobiernu

En Salas hai malestar pola tardanza nes obres de la ponte de La Barrosa. Desque se desmontó, paez que los trabayos nun avancen.

El Conceyu de Salas quixo manifestar el so malestar porque desconocen cuando va tar llistu y volverá abrir al tráficu esta primer calzada de l'autovía del suroccidente, que comunica los llugares de Casazorrina y La Espina.

La selmana que vien, van unviar una carta a la nueva ministra de tresportes, Raquel Sánchez, pidiendo los plazos que remanen sobre esta infraestructura.

Amás, l'alcalde de Salas esixó la dimisión de la delegada de Gobiernu, Delia Losa.