Malestar vecinal pol depósitu de residuos en La Escombrera d'El Reguerón

Denuncien el pasu de siguío de camiones con tonelaes de povisa, que provoquen ruíu y suciedá

Malestar ente los vecinos de dellos pueblos de Llangréu pol depósitu de residuos en La Escombrera d’El Reguerón. Denuncien el pasu de siguío de camiones con tonelaes de povisa, que provoquen ruíu y suciedá.

La Escombrera d’El Reguerón yera’l llugar onde se depositaben los residuos de la Central Térmica de Lada, propiedá d’Iberdrola, y anguaño zarrada y en procesu de desmantelamientu. Agora ye Hunosa la que tien el permisu del Principáu pal so usu, depositando los residuos vinientes de la Central Térmica de La Pereda.

Los vecinos de los pueblos de la contornada y el gobiernu municipal amosaron el so descontentu, y piden impedir el so usu, al ser un "suelu d’especial protección".

Ún de los pueblos afectaos ye Les Bories, que recibe la contaminación viniente de la povisa depositao.

El Pandu ye otru de los más afectaos, al tener que soportar el pasu de los camiones per delantre de les sos cases, cerca de 200 al día, según los sos vecinos.

Los vecinos yá aconceyaron nuna comisión vecinal y esperen que puea ponese fin al usu de La Escombrera.