Mapi Quintana Bellón, referente del Jazz n'Asturies

Tres cursar estudios musicales n'Holanda, volvió a Asturies cola ilusión de vivir de la so música

Diz un poema d'Ángel González: "Para que yo me llame Ángel González, para que mi ser pese sobre el suelo, fue necesario un ancho espacio y un largo tiempo".

Pa que Mapi Quintana Bellón llegara a una de les grandes voces de la música jazz asturiana, fixo falta que cuatro corazones de Lugo, Pendueles, L.lena y Maramoniz conociérense y qu'un día, en plena celebración familiar, daquién la xubiera a una siella pa que cantara.

Dempués, llegó la formación, y más tarde, Holanda, un tiempu tan lloñe d'Asturies que namás pensaba en volver. Hasta que volvió pa vivir de la música n'Asturies.

Dir y volver del pasáu al presente, de les cuenques a Santa Bárbara, de los amigos que yá nun tán, a la música que queda pa siempres.