Marisela Cueto, una vida dedicada a la llucha escontra la inxusticia social

Al mandu de la Cocina Económica de Xixón, regala ciñu y dignidá

Marisela naz en Tiuya nuna familia minera. De so padre picador, deprendió lo que yera ganar la vida col sudu la frente. De so madre, a xestionar los pocos recursos que llegaben a casa.

A los 19 años decide siguir el camín de la relixón qu'enantes empecipiara'l so hermanu. Tamién estudia Trabayu Social. Col so trabayu de fin de carrera quixo cuestionar la capacidá de la cárcel pa rehabilitar a los reclusos. Quixo demostralo sobre'l terrén.

Y ye asina, en plenos años 70, cuando entra en contactu cola amarga realidá de quien, por distintos motivos, se ven privaos de la llibertá. Una relación que caltuvo col pasu  los años y que-y dexó esperiencies difíciles d'escaecer.

El so siguiente destín foi l'Avilés de los años 80. Ellí entró en contactu colos focos de chabolismu de la ciudá, y col impactu que la droga y la esclusión social tuvieron ente aquelles persones que nun teníen un llar dignu.

Y ye en 2002, cuasi ensin querer, cuando vuelve a Xixón pa dirixir la Cocina Económica. Un llugar onde se da de comer, pero tamién ciñu y dignidá. Otru frente más na so batalla escontra les inxusticia sociales.

Convencimientu que va defender hasta'l so últimu aliendu.