Más d'un millar de mozos reconquisten la fe en Cuadonga

Xornada Eucarística Mariana Xuvenil organizada pola asociación 'En Marcha'

Nel Santuariu de Cuadonga, más d'un millar de mozos celebren la primer Xornada Eucarística Mariana Xuvenil entamada pola asociación española 'En Marcha'. L'alcuentru ta destináu a los mozos interesaos d'ente 14 y 30 años, y el Santuariu de Cuadonga ye'l llugar escoyíu pola asociación pa recuperar la fe n'España.

La lluvia esllució'l segundu día del primer alcuentru eucarísticu que xuntó a más de 1.300 inscritos llegaos de toles partes del mundu. Los mozos aseguren qu'estes xornaes ayuden a entamar una nueva batalla: la reconquista de la fe n'España.

L'oxetivu, dícennos, ye reavivar y fortalecer la fe nos mozos.

Un grupu de sacerdotes turnaráse pa tar siempre disponible p'atender a los participantes na confesión y dirección espiritual.

Esta nueche, celebraráse una gran vixilia acompañada d'una procesión nocherniega na Santa Cueva de Cuadonga.