Más de 70 horros en miniatura nel Muhomi

Maquetes de construcciones d'Asturies, Galicia y Cantabria

Son más de 70 horros en miniatura, con distintos tamaños. Pieces orixinales y úniques ellaboraes por artesanos veteranos y emerxentes. Tán concentraes nun horru rehabilitáu, con 200 años d'antigüedá.

L'amuesa del Muséu del Horru en Miniatura (Muhomi) recueye una gran variedá d'estes construcciones, d'Oriente, Occidente y Centru, y tamién de les vecines Galicia y Cantabria.

El Muhomi foi inauguráu en 2008 con unes 22 figures, destacando la copia del propiu horru qu'acueye la esposición. Cualesquier pue visitalu.

La panera cunta con dos moños y teyáu a caballete. L'horru, un solu moñu y teyáu a cuatro agües. Mesmos usos, pero con distintu tamañu, en función de la collecha; y los más coloríos, los de la mariña. Adulces van llegando nuevos exemplares.

La Fundación Consuelo Suárez Fonseca, dedicada a dinamizar la vida social, cultural y recreativa, foi'l xerme d'esti pequeñu muséu, y quien donó los terrenos y l'horru.