Mayores y mozos comparten el llibru 'Los niños de humo' en Grau

Orixinal idea que fomenta la llectura y el cambéu xeneracional

Los mayores y los más mozos de Grau "echen fumu" col Día del Llibru. Dende va tres selmanes los usuarios del Centru de Día moscón y alumnos del Colexu Públicu Bernardo Gurdiel trabayen a comuña col llibru 'Los niños de humo', de la periodista de RTPA Aitana Castaño y el dibuxante Alfonso Zapico.

Una orixinal idea qu’amiesta’l fomentu de la llectura col cambéu xeneracional.

Pa Jovita, la mina ye namái yá un recuerdu que guarda na memoria y nos llibros. A los sos 80 años, 'Los niños de humo' devolviéronla al presente un pasáu pintáu de negru "carbón". Y too, al traviés de la llectura d’esti llibru que dende va tres selmanes, Jovita y otros usuarios del Centru comparten colos más mozos de Grau.

Lleen xuntos, "dándose tira" una hora a la selmana. Como nel fondu del pozu, toos tienen daqué qu’aportar.

Mayores y mozos moscones que "echen fumu" descubriendo unos y redescubriendo otros, el placer de la llectura y les munches llecciones que pue aportar.

Descubrir el final d’esti cuentu fechu realidá sedrá posible’l 23 d’abril viniente en La Capilla de los Dolores de Grau.