Medra n'Asturies la venta de detectores de fumu dempués del incendiu de Valencia

Un total de 235 persones morrieron por mor d'incendios n'España en 2022

Nuna ferretería d’Uviéu nun paren les consultes y ventes de detectores de fumu dempués del terrible incendiu de Valencia. Unos aparatos cenciellos d’instalar y que se puen alcontrar dende 10 euros, señala Eva Iglesias.

Unos aparatos que los bomberos creen tendríen qu’instalase en toles cases, como pasa n’otros países como Francia o’l Reinu Xuníu. N’España sólo son obligatorios n’edificios de más de 28 metros d’altura, apunta Miguel Ángel Blanco, inspector de Bomberos d’Uviéu.

N’España morrieron en 2022, l’últimu añu del qu’hai datos disponibles, 235 persones por mor d’incendios. Ellos calculen que la colocación de detectores de fumu podría amenorgar a la metá esta cifra.