Mercedes Fernández almite con humildá y realismu l’arrolladora victoria de Barbón

Teresa Mallada ve un reforzamientu del PP como alernativa de gobiernu dientro de cuatro años

Nel Partido Popular, segunda fuerza más votada nel Principáu d’Asturies con 10 escaños, alcontramos criterios estremaos a la hora de facer les primeres valoraciones sobre los resultaos.

L’alegría de la candidata, Teresa Mallada, dempués de conocer los resultaos electorales ta motivada pol fechu de qu’ente los populares el PP asturianu foi’l que menos apoyu perdió en toa España.

A Mallada gustaría-y ganar, reconoz, pero los 10 escaños y la diferencia con Ciudadanos convierten a la so formación na clara alternativa de gobiernu.

Si Mallada ve’l vasu mediu enllenu, la presidenta popular, Mercedes Fernández, velu mediu vacíu. Enantes del Comité Executivu celebráu en Madrid, nel que participaron dambes dirixentes, la presidenta asturiana consideró que 10 diputaos son distancia a esgaya de los socialistes.

Mercedes Fernández, qu’analizará esti miércoles col Comité Executivu asturianu los resultaoos, adelantó que toca desendolcar una estratexa intelixente que dexe, al traviés d’un pactu, gobernar al centru derecha nel mayor númberu de conceyos.

Per parte de so, el lider nacional del Partido Popular considera que los resultaos d’ayeri marquen l’entamu de la refundación del centru derecha y la reconstrucción del so espaciu electoral. Pablo Casado treslladó’l so apoyu a tolos candidatos populares.