Meyora la situación de los ríos asturianos

Nes últimes hores la situación de los ríos meyoró. A esta hora namás ta en prealerta'l Pigüeña, al so pasu per La Ponte Samartín, y el  Nalón al altor de Grullos, en Candamu.

Nes últimes hores recoyéronse más de 40 llitros per metru cuadráu.

Esta mañana la Confederación Hidrográfica del Cantábricu sollertaba de media docena d'afluentes en prealerta.  El Caudal, el Narcea, el Pigüeña, el Nalón, el Seya y El Cares.

Unu d'ellos el Caudal, al altor d'Argame, onde l'agua llegó hasta les cases de los vecinos.

Inundación tamién n'El Prau Salcéu pola crecida del Nalón, al so pasu per Pravia Y esmolición tamién en Quinzanas, onde siguen mirando al cielu.

Amás, l'aumentu del agua de los ríos Trubia y Nalón obligó a cortar dos carreteres y la que comunica col pueblu de Pintoria.

Tamién xubió l'agua del Ríu Raíces, en Salinas. Y nel oriente, anque'l Cares y el Deva tán, agora, "na normalidá".

Per otru llau, el Seya, -onde esta mañana llegó a superar los cinco metros d'altor-, tán en situación de "siguimientu".  

Sicasí, too esto podría empeorar. L'Aemet activó pa mañana y pasáu l'alerta mariella por lluvia.

Calcula que nes próximes dolce hores haya hasta 40 llitros per metru cuadráu na mariña, aparte d'otru avisu naranxa por foles.