Moriyón va recuperar los toros en Xixón y va desaniciar les etiquetes ambientales nos coches

L'alcaldesa de Xixón anuncia les primeres midíes del so gobiernu

L'alcaldesa de Xixón, Carmen Moriyón (Foro), anunció güei, dos díes depués de ser investida col sofitu del PP y Vox, que la ciudá volverá esfrutar de corríes de toros tres trés años d'ausencia y que yá dio los primeros pasos pa desaniciar el próximu mes les llendes de circulación y estacionamientu de los coches que nun tengan distintivu mediambiental.

Na so primer comparecencia énte la prensa dende la so investidura, l'alcaldesa afirmó que, anque la feria de toros anguaño va ser “dalgo más curtia" de lo avezao yá que queden menos de dos meses pa la celebración de la Selmana Grande, lo que sí ta decidío ye qu'una de les corríes va ser el 15 d'agostu, Día de Begoña.

La nueva rexidora cree qu'esta vuelta de los toros abre la posibilidá de volver programar cualesquier otru tipu de "actu cultural" n'El Bibio, clausuráu dende va tres años.