Na Feria podemos facer milenta actividaes pa toles edaes

Más d'una docena de stands y atracciones pa que los neños esfruten de la Fidma

Na Feria Internacional de Muentres puen facer tou tipu d'actividaes y compres. Podemos ver productos tan diversos como papel d'oru pa planchalu. Un artículu p'ayudar a que nun se queme la ropa y amenorgar el calor.

Tamién podemos atopar un quitapelu pa desaniciar toles peluses que dexen les nueses mascotes, que funciona en ropa, alfombrines del coche y muebles.

Na Feria podemos mercar productos llegaos de toles partes del mundu, como por casu de la India o Rusia, coles famoses matrioskas.

Un zocu onde los visitantes puen ver productos difíciles d'atopar el restu del añu.

Más d'una docena de stands y atracciones pa que los neños esfruten de la Fidma

Los neños son tamién protagonistes estos díes na Feria de Muestres. El certame cunta con un itinerariu propiu pensáu pa ellos.

El recintu ufierta un percorríu con más d'una docena de paraes pensaes específicamente pa los más pequeños. Primer parada, el circuitu de Mario Bros.

Hinchables y colchonetes son otros de los puntos señalaos qu'atraen cada día a decenes de neños.

El percorríu sigue sobro cuatro ruedes, con parada na zona de coches teledirixíos.

L'itinerariu inclúi visites a dellos stands y conclúi nel circuitu de mini quads, allugáu tres el pabellón 1 y que ye añu tres añu unu de los principales reclamos pa los más pequeños.

Una docena de propuestes pa qu'ellos tamién esfruten de la Feria.