Navia sigue esperando pola reconstrucción definitiva del espigón de la ría

La estructura presenta dende va años un grave deterioru

Nin les varies actuaciones d'urxencia nin los cientos de miles d'euros invertíos nos últimos años frenaron el deterioru del espigón de la ría de Navia.

Ivernada tres ivernada'l conceyu sigue esperando la execución del proyectu definitivu tres los estudios fechos ente 2019 y 2020. El postreru, el fechu pol Institutu d'Hidráulica Ambiental de la Universidá de Cantabria. Proyectu yá rematáu pol Principáu.

Esta tardanza fai bien difícil que 2023 seya l'añu del empiezu de les obres que cunten con una inversión pluriañal prevista de 2,5 millones d'euros.

Construyíu orixinalmente pa encalzar la ría, esti espigón ayuda a la defensa de la sablera y la poza onde'l payares pasáu llevantóse una escollera vexetal. Pa los sos resultaos va haber qu'esperar.

Ye la llarga espera pola solución definitiva pa unu de los espacios más queríos polos naviegos.