Nin Fiscalía nin Principáu recurrirán la sentencia del casu Renedo

Entienden que nun hai argumentos xurídicos y que s’axusta a los sos pidimientos

Fiscalía y Principáu asumen la sentencia del casu Renedo y nun presentarán recursu.

El Ministeriu Públicu entiende que nun hai argumentos xurídicos pa presentar recursu. El Principáu, per parte de so, considera que la sentencia s’axusta a los sos pidimientos.

Dos de les defenses yá presentaron recursu y les demás fadránlo esta selmana.

El fallu conderga al ex-conseyeru José Luis Iglesias Riopedre a seis años de cárcel, a María Jesús Otero a nueve años y mediu y a Marta Renedo, a nueve.

Los empresarios d’Igrafo y APSA fueron condergaos a seis años y seis meses de prisión.