Nueva marcha a pie de la plantiya hasta l'Ayuntamientu de Castrillón

Los manifestantes insistieron nel so refugu al ERE que supón el despidu de 42 trabayadores n'Avilés

La dirección de Saint-Gobain punxo enriba la mesa un plan d’inversiones de 10 millones d’euros pa la fábrica d’Avilés, pero los sindicatos esixeron mayor concreción asina como la retirada del ERE d’estinción previstu pa 93 trabayadores de la llinia de Sekurit, que la empresa decidió caltener.

Esta ye la última propuesta que la empresa fizo llegar ayeri pela nueche a los sindicatos nuna nueva xunta celebrada en Madrid y que nun valió pa frenar la protesta de la plantiya, qu’esti martes celebró una marcha dende la puerta de la fábrica hasta Piedrasblancas, la capital de Castrillón, conceyu sobre’l que tamién s’afita la fábrica.

Los manifestantes insistieron nel so refugu al ERE que supón el despidu de 42 trabayadores n’Avilés y 51 de Arboç (Tarragona), na que ye la decimoséptima xornada de fuelga.