Nueva selmana de fuelga nes ITV asturianes

Los paros xeneren una llista d'espera media de tres meses

La plantiya de la inspección técnica de vehículos d’Asturies sofita una nueva selmana de paros parciales de cinco hores güei llunes, el miércoles y el vienres.

La xunta negociadora viniente cola dirección de la empresa pública sedrá’l llunes 22 de xineru. Los sindicatos convocantes reivindiquen la xornada llaboral de 35 hores, una medría de plantiya y un plus d’antigüedá, ente otres midíes.

Les partes tán abiertes al diálogu, pero enagora, lloñe de llegar a un alcuerdu.

Los paros, que se repiten dende’l mes de payares pasáu, xeneraron una llista d’espera media de tres meses pa pasar la ITV.