Olegario González restaura un molín d'agua centenariu n'El Navaliegu

El so suañu agora ye convertir una cuadra en muséu etnográficu

Olegario González convídanos a cruzar la puerta d'un gran carbayu pa descubrir un tesoru escondíu dellos años ente los artos y los matos, un molín d'agua centenariu qu'esti vecín d'El Navaliegu, en Llaviana, restauró. L'agua del ríu y la piedra orixinal faen funcionar un molín fundamental nel pueblu.

Olegario González, conocíu como 'Gari', volvió xubiláu a El Navaliegu y propunxo devolver la vida al molín hidráulicu, reconstruyir el vieyu de rabil y convertir delles cases y paneres n'agospios rurales. Un trabayu dedicáu a vecinos y antepasaos.

El so suañu agora ye convertir la cuadra en muséu etnográficu y que les caleyes vuelvan a tener vida, anque seya per unos díes, con visitantes que busquen un pueblu de cuentu so Peña Mea y al abrigu de La Collaona.