Paralizáu'l proyectu de planta esperimental de pirólisis en Noreña

El propietariu de los tarrenes renuncia por disconformidá con dalgunos de los aspectos del proyectu

Paralizáu’l proyectu de planta esperimental de pirólisis en Noreña. L’Ayuntamientu dio l’anuncia nun comunicáu onde señala que’l propietariu de los tarrenes renuncia a esta planta na que diben quemase residuos plásticos, por mor de la so disconformidá con dalgunos de los aspectos del proyectu.

La renuncia, comunicada pol dueñu de los tarrenes al consistoriu, llega dempués de que los vecinos manifestaren nuna xunta cola Alcaldesa’l so refugu a la planta, por mieu a que pudiere xenerar problemes pa la salú o mediuambientales.