Pasucáis y alcuentru de música militar n'Uviéu

Miles de ciudadanos esfrutaron del alcuentru, en La Plaza la Catedral

Uviéu acoyó esta tarde un pasucáis y un alcuentru de música militar.

Nel pasucáis, caúna de les unidaes participantes, asina como la Banda Municipal d’Uviéu, percorrieron dalgunes de les places del cascu antiguu de la ciudá.

Miles de ciudadanos esfrutaron d’un alcuentru, en La Plaza la Catedral d’Uviéu, nel que cada unidá interpretó una pieza pa rematar con una interpretación a comuña.

Participaron la Unidá de Música de la Guardia Real, la Unidá de Música del Mandu d’Apoyu a la Maniobra y la Unidá de Música y Banda de Guerra de la Brigada de la Llexón (Exércitu de Tierra); la Unidá de Música de l’Agrupación Madrid (Armada); Unidá de Música de l’Academia Básica del Exércitu del Aire y del Espaciu; la Unidá de Música de la Guardia Civil y la Banda Municipal d’Uviéu.