Pelegrinación a la ITV en Cantabria

El conflictu nes estaciones asturianes y la llista d'espera fai que munchos conductores vayan a Unquera

La fuelga de trabayadores de la Inspección Técnica de Vehículos (ITV) provoca que cientos d’asturianos vayan a zones de la llende pa pasar la revisión de los sos vehículos. Ye’l casu de la estación d’Unquera, onde ye un vezu algamar cita diaria.

Pela estación pasen decenes de vehículos cada hora. Pue pidise cita y que te dean hora pal mesmu día. Sicasí, la medría de vehículos vinientes d’Asturies fai que nesta estación haya una llista d’espera de selmana y media.

Los más de los asturianos prefieren desplazase hasta Cantabria por delles razones. Unos porque nun puen esperar la llista d’espera de meses d’Asturies, otros porque según ellos, los trabayadores son más flexibles y cercanos.

Tamién hai conductores avezaos que por preferencia y rapidez na solicitú de cites, van cada añu a la estación cántabra pa revisar los sos vehículos.