Primer patrullera de vixilancia pesquera n'Asturies

La patrullera va tener base n'El Musel, pero va movese per tola mariña de la rexón

D'equí p'alantre va ser mui fácil vela pel agua del Principáu. La nueva patrullera de vixilancia pesquera lleva'l nome de Ría del Eo, por eso foi presentada oficialmente en Castropol. 22 metros d'eslora, una lancha auxiliar y la tecnoloxía más avanzada pa lluchar escontra'l furtivismu señalen Adrián Barbón y María Isabel Artime, secretaria xeneral de Pesca.

Foi construyida nun astilleru d'Almería con un presupuestu superior al millón y mediu d'euros. Va tener base n'El Musel, pero va tar per tola mariña de la rexón. Los pescadores llevaben años pidiendo más medios pa lluchar escontra toos aquel lladrones de pescáu y mariscu apunta Adolfo García, presidente de la Federación de Cofradíes de Pescadores d'Asturies.

El Serviciu d'Inspección y Vixilancia Pesquera del Principáu, creáu en 1988, cuenta con 16 axentes que s'encarguen de vixilar los más de 300 kilómetros de mariña asturiana. La nueva embarcación va xunise al restu d'equipamientu de control, como los drones.