Primer xornada llaborable en cuarentena, con menos movimientu nos polígonos industriales

Parte de la plantiya d'Armón niégase a entrar a trabayar hasta que nun haya más midíes

Movimientu nos polígonos industriales d'Asturies pero nada que ver con un día normal. Güei ye la primer xornada llaborable nesta cuarentena.

Munches empreses siguen trabayando, n'otres hai menos plantiya, solo lo necesario.

La patronal recuerda que pue trabayase nun local comercial si nun ta abiertu al públicu, cumpliendo los encamientos sanitarios. Amás, dende güei ye obligatorio llevar enriba un documentu qu'acreite que vamos trabayar.

A les 08:30 la mañana, na entrada al polígonu de Roces en Xixón, rexistrábase munchu movimientu de vehículos y camiones, anque menos del avezáu.

En delles empreses trabáyase como siempres, mientres n'otres, sicasí, hai menos plantiya, solo lo necesario y nun saben hasta cuándo.

Dende FADE conseñen que pue trabayase nun local comercial si nun ta abiertu al públicu y guardando les midíes sanitaries. Nun tien que quedar dulda de que l'establecimientu ta zarráu, persianes y rótulu na puerta.

Amás, recuérdase que dende güei ye obligatorio llevar enriba un documentu qu'acreite que vamos trabayar.

Parte de la plantiya del astilleru d'Armón, en Xixón, negóse güei a entrar a trabayar. Los sindicatos aseguren que nun hai suficientes midíes de seguridá.

Ente otres cuestiones, denuncien que nun puen caltener la distancia que piden les autoridaes santaries.