Prisión permanente revisable pa Silvia Acebal, la madre que mató al so ñácaru en Xixón

Condergada por un delitu d'asesinatu col agravante de parentescu

L'Audiencia Provincial condergó a prisión permanente revisable a la nueva acusada d'asesinar de 53 puñalaes al so naciellu en Xixón en 2019, y al pagu d'una indemnización de 105.000 euros a la so ex-pareya y padre del neñu.

Esta sentencia condenatoria por un delitu d'asesinatu col agravante de parentescu ye la primer prisión permanente revisable que s'impón n'Asturies.

La prisión permanente revisable ye dende 2015 la máxima pena de cárcel n'España p'asesinatos mui graves y trai el cumplimientu dafechu d'ente 25 y 35 años de cárcel, dependiendo del tipu del delitu y si ye por unu o dellos, dempués de lo que se va revisar, pero si nun se cumplen dellos requisitos pa la llibertá, el condergáu va siguir en prisión.