Quince firmes locales van desfilar pela cai Gil de Jaz en 'Uviéu ye Moda'

Una pasarela de moda pa promocionar el comerciu uvieín

La cai Gil de Jaz, n'Uviéu, va convertise, esti próximu sábadu, nuna pasarela de moda pa promocionar el comerciu local.

'Uviéu ye Moda' ye l'apueste del Conceyu pa dar un impulsu al sector y dar a conocer el talentu de los creadores. Van participar 15 marques locales d'accesorios, complementos y moda masculina, femenina y infantil.

El desfile va empezar a les 20:00, con asientos llibres hasta completar un aforu de 160 persones. Dende pela mañana, nel mesmu llugar, habrá una esposición de pieces diseñaes por creadores uvieínos.