Ramón Alzola, pintor y poeta

Una de les sos últimes creaciones ye la estatua 'El Emigrante' que donó a Ribedeva

Ramón Alzola nació nuna fragua, mientres so padre dába-y al fuelle pa pulir el fierro bruto. Precisamente, la so ocupación nuna empresa asturiana d’inxeniería llevólu per tol mundu. Ún de los viaxes foi a la complicada Arxelia de los años 90. Mandáron-y echar a andar una fábrica de cementu.

Pero les facetes más destacaes de Ramón son les de pintor, de bodegones, y retratos, y la de poeta. Manéxase nel mundu de los sonetos como naide.

Ún de los certámenes más prestixosos de poesía faise nel conceyu d’El Valle Baxu de Peñamellera gracies al so impulsu.

El trabayu d’Alzola nun queda namás nes artes. Pues pasó de tener un agospiu turísticu a montar un restaurán.

Y ente les últimes creaciones d’esti artista ta la estatua d’El Emigrante. Un monumentu n’homenaxe a los que s’atrevieron a cruzar el charcu que Ramón donó al conceyu ribedense.

Ye un vezu ver a Alzola collaborando colos vecinos del oriente asturianu. Un artista que dempués de percorrer dellos continentes volvió al so Buelles natal pa poner les sos manes, los sos versos y el so trabayu al serviciu de toos.​