Reclamen el remocique de Conserves Lis, patrimoniu históricu dende 2006

Espertos y vecinos alerten que'l so estáu supón un peligru pa la seguridá pública

Ye l’únicu exemplu de la floreciente industria conservera asturiana protexíu pol so valir patrimonial, históricu y arquitectónicu. Conserves Lis cumple 15 años del so inxerimientu nel Inventariu de Patrimoniu d’Asturies nun estáu d’estrozu imparable. Espertos y vecinos alerten de los sos estrozos.

Un avanzáu estáu d’estrozu que ye un peligru pa la seguridá pública: cristales rotos, ventanes cayíes y con esbarrumbes davezu. Tala ye la situación, que sigue valláu dende va meses. Un edificiu, protexíu dende 2006 pol so valir históricu.

La so singularidá va más allá del so interés patrimonial. La so funcionalidá dio-y otros usos: llegó a ser el cine Vemfac y Taylor, ilesia na Guerra Civil, y salón de baille y discoteca.

Precisamente, esa versatilidá pa diferentes usos y el so céntricu asitiamientu son elementos que tendríen que favorecer el so remocique.

Con más d’un sieglu d’historia y 15 años inxertu nel Inventariu de Patrimoniu Cultural d’Asturies, Conserves Lis, de propiedá privada, sigue pendiente d’una solución.