Recolocaciones y prexubilaciones en Saint-Gobain

Monteserín propón a Saint-Gobain invertir n'I+D pa caltener l'empléu

Los responsables de recursos humanos de la planta avilesina de Saint-Gobain reafitáronse esti miércoles na intención de proceder al zarru de la división de fabricación de parabrises (Sekurit), mientres que la parte social anunció que va ellaborar un calendariu de movilizaciones de protesta.

Foi nuna xunta que tuvo llugar a pidimientu del Comité de Trabayadores, na que la compañía reafitóse na so intención de cerrar Sekurit Avilés.

La parte social treslladó'l so refugu a esta midida “tan traumática” tanto pa la plantiya de Saint-Gobain como pa los trabayadores de les empreses auxiliares afectaes, informó'l Comité de Trabayadores tres la xunta.

L'alcaldesa d'Avilés, Mariví Monteserín, pidió esti miércoles que se busque cualquier posibilidá d'evitar el zarru de la planta de Sekurik de Saint-Gobain y, de nun ser posible, propunxo a la multinacional francesa qu'invierta n'I+D y na llinia de Glass pa que puea esplegar un equipamientu qu'acueya a los trabayadores escedentes.