Remocique dafechu del edificiu históricu catalogáu de Les Colonies de Salinas

La intervención fadráse con materiales sostenibles y respetando dafechu l’equipamientu

Les colonies escolares de Salinas cuntarán con un nuevu módulu de más de 700 metros cuadraos dientro del remocique dafechu del edificiu, qu’esti añu cumple’l so 125 aniversariu, y que se xunirá por una pasarela a la sede histórica.

Ye la principal novedá del proyectu fechu polos arquitectos Marcos Gómez de León y Miguel Huelga de Xixón, que ganó frente a los otros 10, que se presentaron al concursu d’idees convocáu pola Xunta de la entidá.

La estructura orginal y el so característicu color coloráu caltiénense, pero fadráse esi nuevu módulu de más de 700 metros cuadraos que dirá destináu a un aulariu que s’asitiará frente al edificiu d’anguaño, na zona que güei s’usa p’aparcar.

Pa conectar dambos edicios fadráse una pasarela y una nueva plaza. Amás utilizaránse materiales sostenibles pa llevar alantre una intervención onde se quier respetar dafechu l’edificiu catalogáu.

Un remocique que se fadrá en delles fases. El primer pasu que se marca la Xunta de les Colonies Escolares ye facer un proyectu económicu viable pa llevar alantre esta propuesta.