Ricardo Villoria, ún de los artistes más polifacéticos d'Asturies

Ye fiel a los sos raigaños, tanto que tomó'l nome del so pueblu, Villoria, como apellíu

Ricardo Villoria ye unu de los artistes más polifacéticos d'Asturies. Siempres tuvo clara la so vocación, a pesar de ser tan diferente del entornu mineru. Foi al traviés de los sos entamos profesionales, nel diseñu gráficu, cuando entamó a despuntar.

Anguaño espón 'Llabor', la so primera amuesa en solitariu. Un resume de la so carrera, qu'inclúi pintura, fotografía, videu y oxetos descontextualizaos. Cuadros con sábanes como llenzu, pintaos con partícules de carbón. Documental y ficción, inspirao too nel so entornu.

Pal mediu audiovisual, fizo curtios, videoarte o videoclips. Ente ellos, Toro Barroso, nos entamos de Rodrigo Cuevas. Tamién s'inxertó nel mundu de la moda, en concreto cola colección Petra Von Kant, impactante y ensin xéneru.

Ricardo ye fiel a los sos raigaños, tanto que tomó’l nome del so pueblu, Villoria, como apellíu. Ye lo que-y inspira y inflúi en tola so obra.