Royal A-ware invertirá 50 millones na planta de Salas, qu'abrirá n'abril de 2025

La intención de la holandesa ye algamar parte de los suministros n'Asturies

La multinacional holandesa de la lleche, Royal A-ware, invertirá unos 50 millones d’euros, unos diez millones más de lo anunciao de mano, pa reabrir les antigües instalaciones de Danone en Salas, col envís d’entamar la so nueva actividá n’abril de 2025.

La fábrica, que fadrá quesu mozzarella, dará trabayu a 82 persones, penriba de les 70 coles que cuntaba Danone enantes del pieslle de la planta.

Estes cifres fueron apurríes pol director financieru de Royal A-ware, Antonio Rodríguez, nun alcuentru col conseyeru de Mediu Rural y Política Agraria del Gobiernu asturianu, Marcelino Marcos, que consideró que’l proyectu apurrirá "ilusión y futuru" a la fastera occidental del Principáu.

"Too aquello que contribuye a meyorar la rentabilidá de los ganaderos y ganaderes y a medrar el preciu de la lleche, bienvenío seya", dixo’l conseyeru, que recalcó que sedrá la empresa la qu’afite qué precios ufierta.